Постојано слушам другари како тврдат дека мајките ме читаат.
Мене ме читаат сите па дури и оние кои не го признаваат тоа, но посебно ми е драго шо ме читаат ете и мајките.
Но, далеку од тоа дека сакам сега да им се упикувам на тие современи мајки велам современи бидејќи ги оставаат сопрузите да го чуваат гравот, додека ми ја листаат Цртичка.
За жал, од сите мајки кои читаат, не ме чита мојата мајка. Добро не е баш за жал, мајка ми знае шо лајно сум, нема потреба да ја отвара Цртичка.
Сепак, постојат повеќе видови на мајки кои ме читаат.
Мајките кои имаат ќерки и не ме читаат на интернет, за мене дознаваат на стариот класичен начин. Сосема случајно буричкајќи по фиочиња, оп, хоп, ги наоѓаат свежо испринтаните мои расказчиња. И хмм, секако не би биле мајки и тоа грижливи кои секогаш им го мислат најдоброто на своите чеда, доколку не би прочиткале пет-шест пасуси чисто од љубопитство.
Потоа, не е лесно да се претпостави дека “обавезно“ ќе наидат на срамотните детали, вулгарност и безобразие до бескрај кои се составен дел од скоро сите мои дела.
Следат васпитни мерки - Од кај ти се? Како дојде до нив? Зошто ќерко не си ко другите девојчиња? Зошто не си како ќерката на комшијата која го чита четвриот том од “Војна и мир“ на Толстој?
Јас, искрено мислам дека тие мајки воопшто не би требало да се грижат околу мојата литература. Јас тие безобразности не би им ги кажал во живо на нивните ќерки. Никогаш такво нешто. Повеќе би ги им ги правел, отколку замислете да им ги кажам! Така шо мили мои загрижени мајки ич нема потреба да се тревожите.
Мајките кои имаат ќерки и ме читаат на интернет многу ме сакаат ама никогаш не би ме “линкале“ со своите ќерки. Ним можеби им изгледаат сите овие наслови интересни и симпатични но никогаш не ми би послужиле со слатко од диви јаготки и сл. доколку нивните ќерки ме донесат дома.
Што се однесува до мајките кои имаат синови и ме читаат, најчесто ме сакаат од проста причина што во мене гледаат слика и прилика на нивните слатки копиљаци. И не само шо гледаат слика, туку сфаќаат и како се однесуваат во суштина нивните синови, кога не се заедно (или блиску) со нив.
Океј малце се шокираат од речникот и степенот на обземеноста со пичињата, но не премногу. Всушност проблемот со тој триаголник (мајка,син негова девојка) настанува подоцна кога девојката ќе им ја тупнат дома.
Толку за мајките. Место цвет, по некој убав збор за нив.
Баш сега би сакал некоја мајка да ми пише коментар и да пукнам од среќа!
